ـــــــــــــــــــــــــــــــــــــــــــــــــــــــــ
التصنيفات : غير مصنف |
| ► | تشرين الثاني 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
لبنان بلد التناقضات والعجائب
بقلم هالة حيدر
منذ فترة أرسلت موضوعا كي تكون لبنانيا بامتياز، لصديقة مقيمة في الخارج، و دائما تعطي رايها في مواضيعي، وأحب أخد رأيها ونصائحها باستمرار، أعجبت في الموضوع، ورد تبعبارة بالفرنسية ما ترجمتها، أننا نحن شعب التناقضات بامتياز، أعجبتني العبارة كثيرا، واستوحيت منها فكرة لموضوعي الجديد، لأنه فعلا لبنان، بلد التناقضات والاختلافات، باختصار بلد العجائب.
قد يستغرب البعض، إذا قلت انه اكتر شخصين معروفين في لبنان على الصعيد العربي والعالمي، هما السيد حسن نصر الله، والمغنية المعروفة هيفاء وهبي، طبعا لا تجوز المقارنة او الجمع بين الاثنين، فشتان ما بين الثرى والثريا، ولكن هذه هي الحقيقة المرة، فكلاهما من المشاهير.
السيد حسن نصر الله اشتهر كثيرا في العالم العربي، وحتى في العالم الغربي بشكل عام، خاصة بعد حرب تموز الأخيرة، وصار السيد حسن نصر الله رمز البطولة والمقاومة والبسالة والصمود، لكل الشعوب العربية والإسلامية، في زمن عزت فيه الرجال والأبطال.
هيفاء وهبي معروفة جدا في العالم العربي، وحتى في العالم الغربي، فأصبحت رمزا للجمال والإغراء، ومحطة أل CNN والتي نادرا ما تستضيف فنانين من الوطن العربي، استضافتها كظاهرة عربية فريدة، كونها لبنانية، وشيعية من الجنوب اللبناني، وتملك مواصفات جمالية عالمية، وتحدثت عن شهرتها، ومدى تأثيرها بالمجتمعات العربية، وتقليد الصبايا لها، وكرمز للجمال العربي الأصيل، واختارتها من بين أجمل 100 امرأة في العالم.
هذا يعني أن الشخصين الوحيدين، التي ذكرتهم بالفترة الأخيرة المحطة الشهيرة من لبنان، هما السيد حسن نصر الله وهيفاء وهبي، ويمكن العامل المشترك الوحيد بينهم، أنهما من الشيعة، ومن الجنوب اللبناني أيضا، والجدير بالذكر أيضا، أن هيفاء وهبي، أعلنت محبتها واعتزازها بالسيد حسن نصر الله، خلال الحرب ألأخيرة علنا، عبر مقابلة تلفزيونية معها، بعض خبثاء الحرب بأيام، أوجدوا كثيرا من النكات، تجمع بين السيد حسن نصر الله والممثلة هيفاء وهبي.
الحقيقة، نحن كشعب لبناني، نحب كثيرا السيد حسن نصر الله، ونحترمه كثيرا ونفتخر به كقائد لبناني وطني وإسلامي، وبنفس الوقت، نتابع نشاطات الممثلة هيفاء وهبي، وأخبارها ونقلدها ونغني أغانيها باستمرار.
يعني ممكن بعد ما تنتهي مقابلة مع السيد حسن نصر الله، ويكون الكل ملتف حواليها، ونحن ما زلنا شاعرين بنشوة الانتصار، ونفتخر انه هذا الرجل العظيم، ينتمي لهذا البلد، ولكننا بنفس الوقت، وبشكل لا شعوري نبدل محطات التلفزيون والإذاعة فورا لمتابعة برنامج ستار أكاديمي، وبرنامج يا ليل يا عين، وباختصار شديد، نحن نحب لبنان بوجهيه الوطني والفني، المتناقض، فنحن نحب لبنان المقاوم البطل الذي أعطى دروس وعبر في المقاومة أمام إسرائيل، ونموذج للصمود والمقاومة لكل الأمة العربية والإسلامية، وكذلك نحن نحب لبنان بوجهه الآخر، بوجهه الحضاري والجمالي والسياحي والفني، و نتابع بشغف، برامج ستار أكاديمي وسوبر ستار وعروض ملكات الجمال وبرنامج مس ليبانون، وعندما نشارك ببرنامج مس انترناشونال، نشعر بالانتماء والإحساس الوطني العالي.
لبنان، وتحديدا في العاصمة بيروت، مدينة التناقضات بامتياز، وكما يقال عنها أيضا (بوابة الشرق والغرب)، كل شي فيها معقول، وكل شي فيها جائز، قد تكون في مكان أشبه ب(لاس فيغاس) وهو كازينو لبنان (نادي القمار الوطني المرخص)، وبعد ثوان، نتنقل الى (سوليدير) وسط بيروت الرائع الجمال، بهندسته المعمارية، وأضوائه الساحرة ليلا"، وسوف تشعر بنفسك وكأنك ب(الشانزيليزيه) بباريس، وبعد دقائق معدودة، تصل لضواحي بيروت، فتطل عليك المخيمات الفلسطينية، وتشعر في داخل نفسك، وكأنك في زيارة الى غزة، او الى الضفة الغربية.
على بعد كيلومترات قليلة جدا، قد تشعر في داخل نفسك، انك في طريقك الى الهند، نظرا للكثافة السكانية في بعض المناطق الشعبية المكتظة بالسكان، وممكن تشعر بأنك في قلب الصومال او جمهورية سيريلانكا، عندما تصل الى المناطق الفقيرة والمعدمة.
من ضواحي بيروت، تنتقل الى جبل لبنان، على بعد عدة كيلومترات، وعندما تصل الى أماكن الاصطياف في عالية وبحمدون، ومراكز تواجد الإخوة العرب الخليجيين، وتملكهم لشقق سكنية، وهي من أجمل المناطق السياحية، ذات الطبيعة الخلابة والمطاعم والمقاهي والفنادق، ومنها تنتقل لتصل لأكثر مناطق لبنان فقرا وحرمانا، وهي المناطق البقاعية الجردية، والتي تأخذ الطابع العشائري والثأري، وتشعر بنفسك فجأة وكأنك في صعيد مصر.
بداية حابة خبركم اني اشتقت كتير للكتابة وللتعليقات الحلوة الخفيفة الظل واللي دمها ثقيل والاستفزازية احيانا وقررت رجّع المقالات الاسبوعية اي ذكرياتي الغليظة اللي البعض منكم بيعرفها وكتار منكم خصوصا الاعضاء الجدد بيجهلوها بتمنى من كل قلبي انها تعجبكم وانشالله يكون كلامي خفيف على قلوبكم وسامحونا ازا اخطائنا خطا املائي او لغوي او مطبعي او اسأئنا لاحد او لبلد من حيث لا ندري" وجل من لا يخطئ ".
وحبيت احكي بمقالتي عن رحلتي للامارات الهندية المتحدة طبعا العنوان مقصود وهي عبارة سمتعها حتى بدبي كلكم بيعرف العمالة الهندية اللي فيها واللي طغت على كل ما فيها ورح قسم موضوعي الى اكتر من جزء لانها ذكريات كثيرة ومنوعة وبما اني حبيت كتير هالبلد وزرته مرتين متتاليتين (شفتوا صايرة ضليعة باللغة العربية قوية هاي متتاليتين انشالله تكون صح وما ننفضح) رح اكتب كل اللي شفتوا ورح انقل لكم الامارات بعيوني.
اول رحلة لدبي كانت عبر الخطوط الاماراتية طبعا مش عم بعملها دعاية هي مش بحاجتي اصلا كانت رحلة ممتازة من حيث الخدمة ونوع الاكل والاهتمام بالركاب خصوصا الاطفال والمقاعد مريحة وفي كتير خدمات متوفرة وطبعا كل شي بتمنه يعني بتدفع اكتر بتاخد ابشنات اكتر ، وكعادة كل الرحلات أولادي بكونوا معي مرافقين دائمين وكانت معي خالتي اللذيذة بحب السفر معها وبستمتع بجلساتها لانه دمها خفيف جدا وعليها افشات شو بدي خبركم يا سلام عليها.
اول شي لاحظناه على متن الطائرة انو ما في ولا مضيفة عربية ولا حدا بيحكي عربي وخالتي طبعا انكليزيتها ماشاء الله وكان عند كل طلب الها بتصير مشكلة لا بيفهموا عليها ولا بتفهم عليهم وازا بدها كاسة مياه لازم تستعين فيني طبعا على اساس انا ضليعة لغات مش عارفة اني ما بعرف غير يس ونو وبالكتير ثانكيو .
مطار دبي ضخم جدا يمكن قد بيروت كلها كبير وفي ابواب كثير بتضيع بداخلو وانا مشيت طبعا ورا خالتي على اساس هي قال ماشية ورا اللوحات وعم تقرا ومشتنا ورا مجموعة ناس نزلت من الطيارة وبعدين وصلنا لمكان فيه جمارك ولقينا لوحة كبيرة كاتبين عليها "يجب ان تخلع حذائك " انا طبعا انصدمت العمى شو هالبهدلة انا هالة اقلع من رجلي مش عارفين انو يمكن كلساتي منتوف وطالعة ريحتو ( لا تصدقوا انا ما بلبس الا SIGNE) ولما بلشنا بالقلع قلع الحذاء احسن ما تشطح مخيلتكم بعرف نواياكم 
بيطلع واحد موظف من الداخل حسنا انو ناس مرتبين وكلاس بعيد عنكم وبييسالنا انتوا ليش واقفين هون هاد مكان للترانزيت للخدم والعمال اللي بينتقلوا من بلد لبلد وهاد اجراء معمول خصيصا الهم عشان التهريب انتوا وين رايحين قلنالو داخلين دبي قال اي طريقكم مو من هون ودلنا عال
مشغرة قرية لبنانية جميلة جدا تشتهر بقمرها الجميل وقد تغنت بها فيروز باحدى مسرحياتها وشبهت الامير فخر الدين بقمر مشغرة وكانت اغنيتها الشهيرة" يا قمر مشغرة يا بدر وادي التيم" والبعض يعرف الاغنية باسم "خبطت قدمهم" واصبح قمر مشغرة مثال في لبنان للتشبيه لكل ما يرمز الى الجمال الباهر والنور الساطع
تقع مشغرة في قضاء البقاع الغربيّ على ارتفاع 1,050م. عن سطح البحر. وعلى مسافة 82 كلم عن بيروت مساحة أراضيها 2,325 هكتار. تُعتبر أكبر تجمّع سكّاني في قضائي راشيّا والبقاع الغربيّ إذ يبلغ عدد سكّانها اليوم حوالي 16,000 نسمة موزّعين على حوالي 1,200 وحدة سكنيّة
الإسم والآثار
اسم "مشغرة" من اللغة الفينيقيّة وتعني أنه من جذر SHACAR الذي يفيد عن تدفق الماء وسيلانه. وفي مشغرة آثار قديمة منها مزار النبيّ نون الذي تقول الأسطورة إنه والد النبي يوشع، هرب من جور إسرائيل واختبأ في مشغرة حيث تمّ اغتياله على أيدي متسلّلين من جنود الملك . وفي البلدة أيضا بقايا نواويس وكهوف محفورة في الصخور وآثار فينيقيّة ورومانيّة وصليبيّية.
تشتهر"مشغرة" بمياهها الغزيرة وتعتبر اكثر مكان في لبنان يتساقط فيه المطر ناهيك عن الثلوج مما تشكل ثروة مائية كبيرة من انهر وشلالات رائعة وتشتهر ببساتينها وزارعتها المتنوعة خصوصا التفاح التي تصدر منه ملايين الصناديق سنويا الى دول الجوار بالاضافة الى الايجاص والسفرجل، الكرز والدراق ، التين والعنب.
وفي سنة 1960 صنّفت البلدة رسميّا مركز اصطياف ، وقد شكّلت أعمال الزراعة والدباغة المورد الرئيسي لأهالي مشغرة في تاريخها الحديث
تمتاز هذه البلدة بالتعايش والعلاقة الطيبة جدا بين ابنائها المسيحين والمسلمين بشكل لافت وبارز وربما يشكل نموزج حي يحتذى به ليطبق بالعديد من القرى والمدن اللبنانية التي تضم مزيج متنوع من
المذاهب والطوائف الاسلامية وا
يقال ان الانسان قبل الحب شيء واثناء الحب كل شيء وبعد الحب لا شيء
فالحب جنون .. فقد للعقل .. التفكير بالقلب .. و بالقلب فقط .. و عندما يحدث هذا نجد أنفسنا نفقد أشياء كثيرة لو فكرنا فيها بعقولنا .. لأصبحنا افضل حالا مما نحن عليه ..
عموما الحب يداهمنا بغتة و يتسلل الي قلوبنا و مشاعرنا دون سابق إنذار .. يدخل مباشرة ويقطع كل المسافات ويتجاوز كل الحدود ولا يحتاج الى فيزا … يجعل ليلك نهار و نهارك ليل .. لا تدري يومك من غدك .. الحب يجعل الماضي و الحاضر سواء بسواء ..
لا يدعك إلا ان تعيش و تحيا لحظاته طالت أو قصرت .. تجلس بمواجهة من تحب و تسبح في عينينه و تستمتع بحكاياته .. حتى و لو كانت سخيفة .. و تستعذب كلماته ..ترفرف بجناحيه و تهيم فيها .. و حين تفارقه لا يفارقك طيفه .. تأبى ألا تنام أو تغفو حتى لا تفقد تفكيرك فيه و لو اثناء النوم .. و حتى .. لو غفت عيناك تحلم به ..
هذا هو الحب تتعذب و ترضى .. تتألم و ترضى .. من منا ليس لديه مشاعر و احاسيس تجاه شخص معين .. رجل كان أو أمرأه .. من منا لم يجرب لوعة الحب و شقاءه حتى ولو كان من طرف واحد خفي غير معلن .. وحتى ولو كان حب صعب او مستحيل نعرف نتيجته مسبقا" … كل منا بداخلة حاسة يستشعر بها من يحبه و من يكرهه .. أو من هم بين البين و البين ..
حاستنا هذة تفضحنا أحيانا حتى ولو لم نعلنها .. تلمحها في بريق العيون و تراها في ارتعاشة الشفاه و نبرات الصوت و همسه .. تجدها في ارتباكك حين تلتقي مع من تحب .. سرعة في ضربات القلب ..
تحب ان تسمع صوته كل دقيقة وكل لحظة . وتحمر وجنتاك خجلا
عند ذكر اسمه او
حبيت احكي اليوم عن الدعاية والاعلان ومدى تأثيرها على الناس وكيفية التسويق للسلع و الطرق المعتمدة و الى اي مدى يلعب الذكاء والخدع دور مهم فيها ، سواء كان التسويق لمتنج او سلعه معينة او لترويج لافكار سياسية او اجتماعية او توعية بيئية وصحية مثلا
انشالله تعجبكم ويكون كلامي خفيف على قلوبكم وسامحوني سلفا" ازا زعجتكم شي مرة او اشعرتكم بالملل او طلعت مني شي كلمة او عبارة مش حلوة ومش بمكانها مثلا يعني جل من لا يخطئ وانا بخطئ كتير خصوصا باللغة العربية فغضوا النظر يا شباب والمهم المضمون مش هيك 
والمهم انو الفكرة توصل وان بلهجة محلية
الاعلان الناجح والمحبوك جيدا هو الاساس لاي عمل ناجح مهما كان لاننا اصحبنا بعصر الصوت والصورة والصورة مهمة جدا والعناوين البراقة الجذابة هي اللي بتلفت الجماهير الها وبتساعد على انتشار الافكار وترويجها وبتساهم بانشتار اكبر كمية من المنتج والسلعة المعلن عنها والزيادة في حجم ارباحها
من فترة درجت في لبنان طريقة جديدة (من مدة ليست بطويلة) فكرة تعليق بوسترات كبيرة على الشوارع لترويج سلع معينة واعتمدت خدعة جميلة وهي سؤال وعليك ان تحزر الاجابة وبعد فترة اسبوع او اسبوعين بتنزل الاجابة بعد ما يكون كل واحد شطح بمخيلتوااااااااا وما خلى منتج او سلعة او فكرة غريبة ما خطرت ببالو او شو المقصود بتلك العبارة
واول فكرة كانت بدايتها مسك طبعا وكان العنوان كم مرة بالاسبوع ؟؟؟؟؟؟؟؟؟؟؟ او كم مرة بتفضل بالاسبوع ؟؟؟؟؟؟؟؟ 
والبعض استغرب من هالعبارة شو هالوقاحة وكمان بيجيبولك مذيعة بتنزل الشوارع وبتعمل مقابلات مع الناس وبيعرضوها بالليل عالتلفزيون وتسالهم بخباثة نفس السؤال الموجود بلوحات الاعلانات الضخمة الموجودة بكل الشوارع والمناطق اللبنانية كم مرة بتفضل بالاسبوع والبعض كان يجاوب بجراة والبعض يتهرب والبعض يستغرب !!!!!!!!!!!!!
والصبايا يقولوا يييييييييييييييييييييييي شو هالسؤال والبعض بكتفي بلباقة بعبارة لا تعليق او no comment والبعض بيمشي مسرع وبيتهرب من الاجابة ومن عيون الكاميرا
والبعض ينسحب ويدعي الخجل الخبيث ( حلوة هاي الخبيث يعني الخجل المصطنع المقصود مش العفوي) وهي بينها وبين حالها بكون السؤال عاجبها جدا
والذ شي واهضم شي اللي كان يترك لسانه على طبيعتوا ويقول شو هالقلة الحياء واللي اختشوا ماتوااااااااااااااااااااااااااا والا هادا اللي كان ناقص كم مرة بالاسبوع قال يعني شطحت مخيلة المشاهدين والجماهير
عالآخر زي ما انتوا هلا شطحت مخيلتكم لبعيد له له له لالالا يا شباب عييييييييييييييب اوعا تكونوا فكرتوا هيك والا هيك ؟؟؟ !!!! الموضوع مش زي ما افتكرتو ابدا ليش نواياكم سيئة هلقد ) 
ذكرتوني بواحد ختيار عجوز كبير مكحكح انفحط كتير بالموضوع وجاوب انو 6مرات بالاسبوع وبكل فخر عملي فيها كازانوفا وهو على حافة قبرو ويا دوب قادر يسند حالو بس شكلو اكيد نام برات البيت هداك اليوم
وبيتحفونا بعنوان ثاني بعد شي كم يوم نمر عليها وبتنمر عليك وما بين كم مرة بالاسبوع ونمر عليها بتنمر عليك اذ نفاجئ بالمقصود واللي هو ببساطة شديدة دعاية عن اللوتو اللبناني نوع من انواع اليانصيب واختيار ارقام ونمر للربح
والمقصود كم مرة بتفضل ينعرض البرنامج بالاسبوع لتزيد فرص الربح عشانو برنامج محبوب جدا وجوائزه قيمة كتير بتوصل للمليون دولار احيانا وما فوق .
هههههههه يعني كان خوش مقلب ( بالعراقي كمان) وناس كتير شربتوا بس كان فكرة جديدة ومهضومة والناس اتاخدت فيها كتير
( وطبعا بعد ما يكشفوا عن حقيقة الاعلان يحطوا اج
تجربتي الخاصة مع الحمل والولادة
بقلم هالة حيدر
كنت منذ فترة احكي مع زميل عزيز علي، وقال لي عن أخته هالة، وهي آخر العنقود بالنسبة لأسرته، وأنا شخصيا اسمي هالة فعلا، وأيضا مثلها آخر العنقود، شوفوا شو هذه الصدف، خبرني وقال لي، عن موضوع ولادتها، وكم تعذبت عند ولادتها، وذكرني بحالي فعلا، وبولادتي أنا أيضا، وبآلام المخاض التي تحملتها، وكم حقا المرأة تتعذب بالحمل والولادة، وبالأخير يا ريت الأزواج، راضيين عنا، اللي بدو صبي، واللي بدو توأم، واللي بدو بنت (نادرين طبعا(، واللي بدو وزن الولد يكون ممتاز، واللي بدو ولادة طبيعية، وميسرة وسهلة، وكأنه المرأة فقاسة، وكل شي بأيديها، وتتحكم بكل هذه الأشياء كما تشاء، وكل اللوم يقع عليها اذا اختلف المخطط عن مساره، وهي تتحمل أيضا كل الأوجاع، وكمان بيطلع اللوم عليها إذا ما كان الإنتاج على ذوق المحروس، على أساس كأنها جايبة البضاعة من بيت أبوها.
تذكرت حالتي بأول يوم حمل حصل لي، كان زوجي يومها يحكي انه ما بهمه جنس المولود ولد او بنت، والجملة المشهورة عند أغلب الأزواج أنه أهم شيء تقوم الزوجة بالسلامة، ويا سلام على هيك كلام، هيدا حكي هيدا كلام ( بالإذن من تانت نجوى).
كان هذا الكلام يتكرر دائما على مسمعي، خصوصا عند الدكتورة وقت الكشف الدوري على صحة الجنين ووضعه، وأتذكر لما دخلت بالشهر الخامس، وبين المولود بشكل واضح، وباركت الدكتورة لزوجي، وقالت له افرح يا عم، زوجتك حاملة بصبي، زوجي نط من مكانه، وفز عن الكرسي، وقال لها عنجد؟؟؟؟ ونظر بعمق باتجاه الصورة وقلبه رح يطلع لبرااااااااااااا من الفرحة والسعادة، والدنيا مش وسعته، وقال شو ما بهمه (اخخخخخخخخخخخ منكم اخخخخخخخخخخ) مرة وحدة بتتغيروا، ولما واجهته بالبيت بحالته وردة فعله اللاشعورية، قال لا مش لهالدرجة، عادي يعني كله واحد يعني الصبي شو رح يعمل
لي، المهم أنت حبيبتي سلامتك، أنت عندي بالدنيا كلها وبس.
شوفوا من بعدها الاهتمام، يا سلام، عصير رايح وعصير داخل، تغذي حبيبتي، لازم تأكلي كويس، علشان الجنين ياللي في بطنك، على أساس بالأول يعني ما كان في بطني جنين، وكان مجرد نفخة بس، وانتبهي، لا تقعي، واسم الله عليك، وحواليك، واطلبي وتمني، أي شيء حتى لو كان لبن العصفور، رح احضره ليك، اياه (ويبعث لي حمى شو حوبة، على رأي أخوانا السوريين( بس شو يعني معنى كلمة حوبة، أنا لخايفة تطلع شي كلمة قبيحة، ومش حلوة، وبكون ورطت حالي فيها هههههههه )، ما عرفت ادلع زيادة شوي، ولو، مو أنا حاملة في الصبي؟؟ وزوجي الكبير وهذا هو الحفيد الأول، ما كانت تفتح نفسي على شيء، مع إني بالأيام العادية بأكل الأخضر واليابس، وبنافس حتى الجراد بعينه.
بيني وبينكم، فرصة وضيعتها من ابدي، كانت لو استغليتها، لكانت طلباتي أوامر، ومستجابة كلها، بس طلعت غبية، وما عندي خبرة فهو أول زواج وأول حمل عندي، وان شاء الله يضل اول زواج بس مش آخر حمل، كان لازم أسجل كل شيء عنده باسمي، المحل والسيارة، مو أنا حامل وبصبي، يا خسارة (اخخخخخخخخخخخ) راحت علينا
يعني شو راح أخبركم من بعد الشهر الخامس، شو دلع!! ما بعده دلع واتمختري يا حلوة يا زينة، قصدي يا هالة، وتدللي، لأنها أيام لن تتكرر ولا رح تتعوض ولا بالأحلام حتى، شو هو أنا رح كل يوم أحمل وأخلف صبي، بعد الحمل هيدة والولادة هيدة، خلص رح ترجع ريما لعادتها القديمة !!!!!!!!!!!!!!
بدأن نشتري ثياب المولود القادم، وزوجي والعائلة كلها نشاط وحركة واهتمام، يعني الثياب الزرق بتعمل عمايلها، مع انو والله اللون الزهر أحلى و بيقهر قهر، وأنا يعني أمشي واتمختر على الجنبين، على أساس ما حدا حمل ورح يخلف صبي غيري أنا، هيدة حلوة، وهيدة مش حلوة و هيدة رخيصة، لا بس مش مناسبة، أنا ملابس ابني من هالمحل، لا والله فشر، لازم تكون كل ملابسه ماركات عالمية ومعروفة وأجنبية، قال
للمتزوجين فقط، قبل وبعد الزواج، بصراحة
بقلم هالة حيدر
صارت معي شغلة خاصة، وخلتني أفكر بالتغيير اللي بحصل للأزواج بعد فترة من الزواج، خصوصا مع الرجل، يعني تغير كبير بحدود 180 درجة، إذا مش أكثر، وعشان ما أي أحد منكم يطلع ويعترض، حبيت انقل لكم تجربتي الخاصة، وأمري لله، مع انه كلنا بالهوا سواااااااااااااااااااا فتحملوني شوي.
بالبداية كان يحضر باقات ورد متنوعة، شي زنبق وشي جوري وشي قرنفل وشي جاردينيا وورورد، بتاخد العقل، هلا يا دوب يجيب باقة فجل أو بصل أو نعنع أو بقدونس، وإذا حب يكرمني مثلادة، يحضر معه خسة وملفوفة، وطبعا لازم تكون حمراء عشان الشاعرية والرومانسية بس ولا تنسي كمان الروكا والزعتر، واهم شي الجرجير، ترى فوائده عظيمة كثير.
قبل كنت أشوف العطورات على أنواعها، من كريستيان ديور وشانيل وآرماني طبعا مع BODY LOTION وكريم للنهار وكريم لليل
هلا ما بشوف غير دواء للجلي، ودواء للغسيل، ودواء مطهر، واهم شي معقم الحمامات
كان يتحفني باشاربات وفولارات حرير، هلا ما بلاقيه حامل غير كلينكس وورق تواليت بالكثيرررررررر ورق للسندويشات.
بالأول كان بالمناسبات، يهديني ذهب والماس وسوليتير، هو صح مرة جبلي خاتم الماس، الحص كان بدو ميكروسكوب او LOUP لينشاف بس يبقى اسمه الماس، مهما كان صغير حاليا أكثر شي ممكن يشتري لي إياه هو الــ LOUP بعينه مش عشان أتأكد من صحة ونقاوة الأحجار الكريمة، عشان يورجيني منيح بوضوح تام فاتورة الكهرباء والمياه واهم شي فاتورة التلفون يا ثرثارة.
أما شوفوا اختلاف العبارات بين قبل الزواج وبعده، يا سلام ما فيني خبركم، أول فترة تعارفنا كان يقول لي يوم عيد ميلادي الحقيقي، يوم ما تعرفت عليك أنا خلقت من جديد على أيديك يا ريتني تعرفت عليك من قبل، أنا حاسس حالي بعرفك من زمان، نحنا مكتوبين لبعض، نحنا خلقنا لبعض ما بعرف حياتي من دونك كيف كان شكلها ولونها وطعمها.
هلا الله يلعن أبو الساعة اللي شفتك فيها، كان يوم نحس يوم ما التقيتك، كبرتيني عشرين سنة، رح تموتيني ناقص عمر، جبت لي المرارة والسكري والضغط والقلب بس.
بالأول كنت اتصل فيه، يقول لي آهلين حياتي يا قلبي أنتي، يا روحي يا عيوني مشتاق ليك كثير أنا أصلا ما بشبع من صوتك، وما بحس بالوقت، أنا ومعك وكل ما يدي سكر، التلفون يترجاني أبقى شوي وكنا نحكي بالساعات.
هلا يقول لي نعممممممممممممممممم طويلة جدا، خير يا طير، بدك شي؟ احكيني بعدين، مشغول كثير، هذا، إذا تكرم ورد على التلفون من أساسه ؟؟؟؟؟؟؟؟؟؟
بالأول كان لا يأكل ولا يشرب، ولما أقول له، روح أتغذى حبيبي، الك زمان على التلفون، مش جوعان؟؟ يقول لي لما بسمع صوتك حياتي، بشبع، أنت غذاء روحي أنا حاسس إني شبعان كثير،
